Kangiqliniq, Nunavut (Ubluqtuhirvia 14, 2024) – Ublumi, Nunavut Kavamanga (GN) Minista Munarhiliqijitkunnut John Main Ministangalu Nunalingni Kavamatkunnilu Pivikhaqautikkut (CGS) David Joanasie, atauttikkut Sakku Investments Kuapuraisinga An’ngijuqaanga David Kakuktinniq, quviahuktuq tuhaqtitijuq iniqtirutaa nappaqtirinirmik Kivallirmi Akuniraalungmut Munaqhivik Kangiqlinirmi.
Ilaupluni kavamatuqaiti ukiuqtaqtumilu avikturvia piangaijarnikkut avatquhimajunik $194 million ukununga ihariagijauqqpiaqtumun aulapkaidjutikhanun tamaani Nunavunmi, Kivalliq Akuniraalungmi-Kikliqaqtuq Munarivik tun’ngaviujuq Katujjiluta havaaghait hivuliujughaq, Inirninguqpallianikkut Pittiagutigijaunikkut. Pinnikpiaqtuq, aktilangga 4 5 milu igluqpaup titiraujaqhimajuq tunihijaami aqhuungnaktuni munarinirmik Inirniqhaat ajuqhautilginnut iharianiit munaqhiliqinikkut, taaffumamiklu puigungnirmik. 24 igliqaqtuq, imaa pijaami Inirniqhaat pijaamingnik nakuuqpiaqtumik munarinirmik qanittumik aimavingmun nan’ngagiplugu quviahuutigiplugulu Inuit pitquhiat. Katimavia naunaigutigijaujuq nuatqatigiiniariatigut, in’ngilraangnitat ilitquhiliqinikkutlu Nunavunmiunut.
"Ublumi iniqtirutaa Kivalliq Inirnikhaat Akuniraalungmut Munarijauhimmaarvik naunaitkutigijaujuq an’ngijumik iniqhidjutaanik Hamlangannut Kangiqlinirmi tamainnutlu Nunavunmiut," uqaqtuq Kanatap Kavamanga Minista Igluliqiijitkunni, Aulapkaidjutikhanik Nunallaanilu Nate Erskine-Smith. "Una nutaaq igluqpak tunihiniaqtuq inirniqhaanut munaridjutinik ikajuutiniklu ihariagijamingnik imaa pijaami inirninguqpallianikkut pittiagutigijaunikkut,tunihijut kin’ngulirmik hulaqutinik inuuhiqattiarnirmun Nunavunmiunun."
"Tikiutivuk tikiudjutiqhaq Katujjiluta pitqujaunia imaa pijaami Inirniqhaavut inirninguqpallialutik pittiaqtaulutik pilutik iharigijainnik munarinikkut qanittujaaqhimalutiklu aimavingmigut”, uqaqtuq Hivuliqti P.J. Akeeagok. "Napaktirnia Kivalliq Akuniraalurmun Munaqhivik an’ngijuamik abluqtut tikiutinahuaqhugu tikiutijaat hivuniqhaq”.
“Iniktirutaa igluqpaup Kivalliq Akuniraalungmut-Munaqhivik an’ngijuaq tikiutiviqhaq munaqhiviliqidjutinut Nunavunmi. Qilaminnuaq, hivulliqpaakpiami, tunihiniaqtugut qulaani-aktilaangit munagidjutinik Inirniqhaavunnut ukiuqtaqtumi avikturvianni, pipkaqhugit inirninguqpallialutikt pittiaqtaulutik nalunanggittumik pitquhikkut pidjutauluni”, uqaqtuq Minista Main. Ublumi pilimaittungnaqhijuq pihimaittumik akhuurutinik ikajuutikhaniklu paatnavunnit. Iniqtirnia igluqpak takupkaqtittijuq nuatqatigiitiarniatigut iniktigutaitlu tikiutijaaqtut talvuuna Piliriqatigiinniq—havaqatigiingnikkut atauttini piumajamingnut.
"Akuniraalurmut munaqhivik pidjutaujuq katiqhiqmajunik aqhuugutinik aqhuuqpiannikkutlu hakugingniqhaitigut inuuhiq inirnikhaaptingnut ilainnut imaalu pijaami inirniqhaavut aulahimmaariaganik quvianaktuk pittiarnikkut ukiuqtaqtumi avikturviugijaptingni”, uqaqtuq Minista Joanasi.
Tatqiqhiutini kaffini, igluqpaup havaktauniaqtuq auladjutitigut upalun’ngaijaami qajarnaittumik talvunggariaminik Inirnikhaat, imaalu pilutik naunaiqhitilutik tamainni auladjutiqhat atauttini aulajaaqhainnik, havaktiitlu upalun’ngaiqhilutik tunihijaamingnik an’ngitqiamik munaqhinirmik uvani upin’ngaqhaliqqat.
Kinalikiaq apikkuutiqaqqat talvuunatigut Nunavutim akuniraaluk munaqhiviatigut talvunggaqtitaunikkutlu havauhiitigut qaritaujakkut talvunggauginnariaqaqtut Department of Health’s website.