Uqaqtittiji uvani Tattiarnaqhilirvia 11 una Nan'ngarijaujuq Dan Vandal, Ministaat ukiuqtaqtumi Kavamaliqinirmun uvangalu, katimapkaijugut talimaujuq ukiuni Ukiuqtaqtumi ukualu Tunungani Maliruagahatigut Tungavikhaatigut Hivuliqhurnirmun Katimajiit katimajut Iqalungni.
Ilaujuqlu Nunatsiamin Hivuliqtia R.J. Simpson, Nunaqaqaaqtut aviktuqhimajumi hivuliqtit kanadminlu, aviktungniinilu havaqatigiit Tungavikhatigut. Minista Vandal kanadami havaqatiit, Nan'ngaijaijaujuq Sean Fraser, Ministaat iguliqijit, Iglupatigut ukualu Nunallaallu, ilaujut katimadjutini upautihimajut taimaalu ukua Nan'ngarijaujuq Mélanie Joly, Minister of Foreign Affairs; Nan'ngarijaujuq Bill Blair, Ministaa Angujaktit unalu Nan'ngarijaujuq Ya’ara Saks, Ministaa Ihumamun Aanniaqtailinirmun Ipiralainirmunlu unalu Ilaujuq Minista Aanniaqtailinirmun ungahiktukkut.
Ministak David Joanasie, John Main unalu Daniel Qavvik ilaujut uvani katimadjutini.
Uqaqtittiji, katimajutini uqautigijaujut ihumagijaujut Tungavikhat ukualu nunaqjuami Ukiuqtaqtumi Maliruagahat, Ukiuqtaqtumi tungungani munaridjutit hatumiarutillu, ukiuqtaqtumi iglutigut igluqpallu, ihumalunlu aanniaqtailinirmun ipiralainirmunlu.
Pijakhatka titiraqlugit qilamik ihariagijaujut anginirhakkut maniliurutit Ukiuqtaqtumi tapkua pidjutaujut nunamingni nunallaani ihariagijaujut, ihuaqhaidjutit pijakhanik maniliurnirmun pivalliadjutit, uqautigiblugit mamihainirmun nunaptingnilu nunakkut ihumagijaujut Ukiuqtaqtumi munarijutit.
Aularutihimajuq uvani 2019mi, Ukiuqtaqtumi unalu Tunungani Maliruagahakkut tungavikhaa titiraqhimajuq havaqtigiingnikkut tauktuktuumijaarutikkut hivuniptingni humi hakugiktut, mahulingaitut inuit nunallaalu havaqatigiiktut ihuaqtumik, aturuminaqtuqlu Ukiuqtaqtumi tununganilu aviktungniani nunamingni avatiinilu. Ikajuutigijait Kavamatkut Kanadami hivuliujukhat, hulidjutit, maniliurutillu Ukiuqtaqtumi hamunga 2030mun avataanunlu, nakuutqiakkut ihuaqtuq Kanadami nunaqjuamilu maliruagahat pinahuarutait hivuliublugit Nunaqaqaaqtut Inuit tamaitallu kitut najugaat avatiini Ukiuqtaqtup Tununganilu.
Ukiuqtaqtumi Hivuliqtit Nunaqaqqaaqhimajullu hivuliqtiujun, pidjutigijaqqut amigaitunik ikaarnirnik aulirniranun tautuktuumijaarutit Ukiuqtaqtumi unalu Tunungani Maliruagahat Tungavikhaa havaklugillu hivitujumik-kikliqaqtut pijakhat Tununganun.
Uqaqtittiji, katimadjutini akhuurutigijata tuuuliingituq kanadap kavamait ikajuliqlutik havaklugit nuutiruminaqtut maniliurutit Tunungani naunairiangani tautuktuumijaaqtaujuq haffumani tungaviani.
Quana, Uqaqtittiiji.