ᐃᖃᓗᐃᑦ, ᓄᓇᕗᑦ (ᐊᐃᕆᓕ 28, 2023) – ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ (NHC) ᐊᒻᒪ ᓄᓇᕗᒻᒥ ᐃᒡᓗᓕᐅᖅᑏᑦ (NCCD) ᖁᕕᐊᓱᒃᐳᑦ ᑐᓴᖅᑎᑦᑎᔪᓐᓇᕐᒪᑕ ᐊᑎᓕᐅᖅᑕᐅᓂᖓᓂᒃ ᐋᖅᑭᒃᓯᒪᓂᒃᓴᖓᓄᑦ ᑳᓐᑐᓛᒃᑕᐅᓯᒪᔪᑦ ᓴᓇᔭᐅᓂᒃᓴᒧᑦ 150−ᓂᒃ ᓄᑖᓂᒃ ᐃᒡᓗᒃᓴᓂᒃ 8−ᓂᒃ ᓄᓇᕗᒻᒥ ᓄᓇᓕᖕᓂ. ᓴᓇᔭᐅᓯᒋᐊᓛᖅᑐᑦ 2023−ᒥ ᐅᑭᐊᒃᓵᒃᑯᑦ.
ᐋᖅᑭᒃᓯᒪᓂᒃᓴᖓᓄᑦ ᐊᖏᕈᑎᑦ ᐃᓚᒋᔭᐅᔪᑦ 2023-24 ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᑦ ᐊᑐᖅᑎᑦᑎᓂᕐᒧᑦ ᐸᕐᓇᐅᑎᒥᑦ ᐃᒡᓗᓕᐅᖃᑎᒌᖕᓂᖅ, ᑕᐃᔭᐅᖕᒥᔪᖅ ᓄᓇᕗᑦ 3000 ᐅᐸᓗᖓᐃᔭᐅᑎᒥᑦ.
ᐋᖅᑭᒃᓯᒪᓂᒃᓴᖓᓄᑦ ᐋᖅᑭᓱᖅᑕᐅᓂᖓ ᐋᔩᖃᑎᒌᒍᑕᐅᓯᒪᔪᖅ ᐃᒡᓗᓕᐅᖅᑎᓄᑦ ᑳᓐᑐᕌᒃᑯᑦ 132−ᓄᑦ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᑦ ᐃᖃᓗᐃᑦ ᓯᓚᑖᓃᑦᑐᓂᑦ ᐃᓚᖃᖅᑐᑦ ᐊᕙᑎᓂᒃ ᓄᑖᓂᑦ ᐃᒡᓗᓂᑦ ᐊᑐᓂᑦ ᐊᕐᕕᐊᓂᑦ, ᑲᖏᖅᖠᓂᕐᒥᑦ, ᖃᒪᓂᑦᑐᐊᕐᒥᑦ, ᐃᒃᐱᐊᕐᔪᖕᒥᑦ, ᐅᖅᓱᖅᑑᕐᒥᑦ, ᐊᒻᒪ ᑕᓗᕐᔪᐊᕐᒥᑦ, ᐊᒻᒪ 12−ᓂᑦ ᐃᒡᓗᒃᓴᓂᑦ ᐃᖃᓗᑦᑑᑦᑎᐊᕐᒥᑦ.
ᑲᑎᖦᖢᒋᑦ ᑳᓐᑐᓛᒃᑕᐅᓯᒪᔪᑦ ᐊᑭᖏᑦ (ᐃᓚᓕᐅᔾᔭᐅᓪᓗᑎᒃ… ᐅᖃᓕᒫᒃᑲᓐᓂᕆᑦ.
ᓂᕈᐊᒐᒃᓴᓕᐅᕈᓐᓇᖅᓯᔪᑦ 2023-ᒥ ᑲᑎᒪᔩᑦ ᑲᑐᔾᔨᖃᑎᒌᖑᔪᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᓂᒃ. ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐱᔪᓐᓇᖅᓯᑎᑦᑎᔪᖅ ᐱᓇᓱᐊᕈᑎᓂᑦ ᐃᓕᓴᕆᔭᐅᖁᔭᐅᔪᓂᒃ ᐃᑲᔪᖅᑐᐃᓲᓂᒃ, ᑎᓕᐅᕆᓲᓂᒃ ᐊᒻᒪ ᖃᐅᔨᑎᑦᑎᓲᓂᒃ ᖃᓄᖅ ᓴᙱᓕᑎᑦᑎᓂᕐᒥᑦ ᑎᑎᕋᕈᓐᓇᕐᓂᖅᒥ/ᐅᖃᓕᒫᕈᓐᓇᕐᓂᕐᒥ ᐱᕚᓪᓕᕈᑕᐅᔪᓐᓇᖅᑐᓂᒃ ᓄᓇᕗᒻᒥ.
2023-ᒥ ᓄᓇᕗᒻᒥ ᑲᑎᒪᔩᑦ ᑲᑐᔾᔨᖃᑎᒌᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᖅ ᐃᓕᓴᖅᓯᓂᐊᖅᑐᖅ ᐃᑲᔪᖅᑐᐃᕙᒃᑐᒥᑦ ᐱᔪᒃᓯᑎᑦᑎᕙᒃᑐᒥᓪᓗ ᐊᓯᖏᓐᓂᒃ ᐃᓄᒃᑑᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐅᖃᓕᒫᒐᒃᓴᓂᒃ ᑎᑎᕋᒐᒃᓴᓂᓪᓗ − ᓂᐱᒃᑯᑦ, ᑎᑎᖅᑲᒃᑯᑦ ᓴᓇᙳᐊᕐᓂᒃᑯᓪᓘᓐᓃᑦ.
ᓂᕈᐊᒐᒃᓴᙳᖅᑎᑦᑎᒋᑦ ᐱᓕᕆᕐᔪᐊᖅᓯᒪᔪᒥᒃ ᐃᑲᔪᖅᑐᐃᕐᔪᐊᖅᓯᒪᔪᒥᒡᓗ ᐊᒻᒪ ᑎᓕᐅᕆᔪᓐᓇᖅᑐᒥᒃ ᐊᓯᖏᓐᓂᒃ ᐱᕙᓪᓕᐊᑎᑦᑎᓂᕐᒥᒃ ᐅᖃᓕᒫᕆᐅᖅᓴᓂᕐᒧᑦ ᑎᑎᕋᕆᐅᖅᓴᓂᕐᒧᑦ. ᐃᓕᓐᓂᐊᖅᑎᐅᔪᓐᓇᖅᑐᖅ, ᐃᓕᓴᐃᔨ, ᓄᓇᓕᖕᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᒥᑦ, ᐃᓐᓇᖅ ᐅᕝᕙᓘᓐᓃᑦ ᐃᖅᑲᓇᐃᔭᖃᑎᒋᔭᐅᔪᑦ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᒫᑦᓯ 28, 2023) − ᑮᓇᐅᔭᖃᖅᑎᑦᓯᒍᑕᐅᔪᑦ ᐃᓪᓗᓕᕆᓂᕐᒧᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᓪᓗ ᐅᓪᓗᒥ ᓇᓗᓇᐃᖅᑕᐅᖅᑲᐅᔪᑦ ᑲᓇᑕᐅᑉ ᒐᕙᒪᒃᑯᖏᑕ ᑮᓇᐅᔭᐃᑦ ᐊᑐᖅᑐᑦᓴᖏᓐᓂ, ᑲᓇᑕᒥ ᓴᓇᔭᐅᓯᒪᔪᓂᒃ ᐸᕐᓇᐅᑎ: ᑐᙵᕕᖃᑦᓯᐊᖅᑐᑦ ᑭᒃᑯᑐᐃᓐᓇᕐᓄᑦ, ᐊᑭᑐᓗᐊᙱᑦᑐᒥᒃ ᑮᓇᐅᔭᓕᕆᓂᖅ, ᓯᕗᓂᑦᓴᖃᑦᓯᐊᕐᓂᖅ, ᐃᑲᔪᕐᓂᖃᕈᑕᐅᓂᐊᖅᑐᑦ ᐱᓗᐊᖑᐊᖅᑐᓂᒃ ᓯᕗᓪᓕᐅᑎᒍᒪᔭᖏᓐᓂᒃ ᑲᑐᔾᔨᓗᑕ ᑐᕌᒐᖏᓐᓂ, ᐅᖃᖅᑲᐅᔪᖅ ᓄᓇᕗᒻᒥ ᓯᕗᓕᖅᑎ, ᐱᔭᐃ ᐊᕿᐊᕈᖅ ᐊᒻᒪᓗ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᑦ, ᖁᐊᓴ ᑯᓱᒐᖅ.
“ᑎᑭᐅᑎᒍᓐᓇᖅᓯᖁᓪᓗᒍ ᐊᓯᔾᔨᓪᓚᑦᑖᖅᐸᓪᓕᐊᓂᕐᒧᑦ ᒐᕙᒪᒋᔭᑦᑕ ᑲᑐᔾᔨᓗᑕ ᑐᕌᒐᑦᑎᓐᓂ, ᖃᐅᔨᒪᓚᐅᖅᑐᒍᑦ ᑮᓇᐅᔭᖃᖅᑎᑕᐅᒋᐊᖃᒻᒪᕆᒐᔭᕐᓂᖏᓐᓂᒃ ᒐᕙᒪᑐᖃᒃᑯᓐᓂᒃ. ᐅᓪᓗᒥ ᒐᕙᒪᑐᖃᒃᑯᑦ ᑮᓇᐅᔭᐃᑦ ᐊᑐᖅᑐᑦᓴᖏᓐᓂᒃ ᓇᓗᓇᐃᖅᑲᐅᔭᖏᑦ ᐃᑲᔫᑎᖃᕐᓂᐊᖅᑐᑦ ᒐᕙᒪᒋᔭᑦᑕ ᐊᑦᓱᕉᑎᖏᓐᓄᑦ ᐱᐅᓯᕚᓪᓕᖅᑎᑦᓯᒐᓱᐊᕐᓂᕐᒧᑦ ᐊᑐᐃᓐᓇᖃᖅᑎᑦᓯᓂᕐᒧᑦ ᐃᓪᓗᓕᕆᓂᕐᒧᑦ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᓯᕋᐅᑎᓄᑦ ᐃᑲᔫᑎᓄᓪᓗ ᑕᒫᓂ ᓄᓇᕗᒻᒥ. ᓱᓕ… ᐅᖃᓕᒫᒃᑲᓐᓂᕆᑦ.
ᒫᑦᓯ 24 ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᕆᕙᐅᒃ. ᐊᕐᕌᒍᑕᒫᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓕᓴᕆᔭᖃᖅᐸᒃᐳᑦ ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓᓂ ᐃᓚᒋᔭᐅᓪᓗᓂ ᐅᔾᔨᕐᓇᖅᓯᑎᑦᑎᕙᓪᓕᐊᖏᓐᓇᕐᓂᕐᒥᒃ.
ᑕᒪᑐᒪᓂ ᐊᕐᕌᒍᒥ ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓᓂ ᐱᔾᔪᑕᐅᓂᐊᖅᑐᖅ − ᐄ! ᓄᖅᑲᖅᑎᑦᑐᓐᓇᖅᑕᕗᑦ ᐳᕙᒡᓗᖕᓂᖅ − ᑐᓴᖅᑎᑦᑎᔾᔪᑎᐅᔪᖅ ᓂᕆᐅᖕᓂᖃᕐᓂᕐᒧᑦ ᖃᓄᐃᓕᐅᕆᐊᖁᔨᓂᕐᒧᓪᓗ. ᐳᕙᒡᓗᖕᓇᖅ ᓱᓕ ᐊᐃᑦᑐᕐᓘᑕᐅᖃᑦᑕᖅᐳᖅ ᓄᓇᕐᔪᐊᓕᒫᕐᒥᑲᓴᒃ. ᑕᒪᑐᒪᓂ ᐊᕐᕌᒍᒥ, ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓ ᑐᒃᓯᕋᖅᐳᑦ ᐱᕚᓪᓕᖅᓯᒪᔪᒥᒃ ᑮᓇᐅᔭᓕᐅᕈᑎᒃᓴᓂᒃ ᐊᒻᒪ ᖃᔅᓯᑲᓪᓚᖕᓂ ᐱᓕᕆᔨᓂᒃ ᐱᓕᕆᖃᑎᒌᓂᒃ ᐃᑲᔫᑕᐅᓗᑎᒃ ᐳᕙᒡᓗᖕᓇᖅ ᓄᖅᑲᖁᓪᓗᒍ.
ᑕᒪᑐᒪᓂ ᐊᕐᕌᒍᒥ ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓᓂ, ᓴᙱᔫᓪᓗᓂ ᐊᒻᒪ ᐳᕙᒡᓗᖕᓇᙱᖦᖢᓂ ᐱᓕᕆᐊᖑᑎᑕᐅᔪᒥᑦ ᐃᓕᓐᓂᐊᖅᑎᑦᑏᓐᓇᖅᑐᑦ ᓄᓇᕗᒥᐅᓂᒃ ᐳᕙᒡᓗᖕᓇᐅᑉ ᒥᒃᓵᓄᑦ, ᐃᓕᓐᓂᐊᖅᑎᑕᐅᓪᓗᑎᒃ ᑲᒪᒋᔭᐅᓂᕐᒥᒃ ᐊᒻᒪ ᐱᑦᑕᐃᓕᑎᑦᑎᓂᕐᒥᒃ ᐊᒻᒪ ᐊᔪᕐᓇᙱᓐᓂᖅᓴᓂᒃ ᓄᑕᖅᑲᓄᑦ ᑐᕌᖓᔪᓂᒃ.
ᐱᒋᐊᖅᑎᑦᑎᒋᑦ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᒫᔾᔨ 14, 2023) − ᐅᓪᓗᒥ ᒪᓕᒐᓕᐅᕐᕕᖕᒥ, ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᓴᖅᑭᑦᑎᖅᑲᐅᕗᖅ ᐅᓂᒃᑳᒥᒃ ᑕᐃᔭᐅᔪᒥᒃ, ᓄᓇᕗᑦ ᒐᕙᒪᒃᑯᑦ ᐱᕙᓪᓕᐊᓂᖓᓂᒃ ᑲᑐᔾᔨᓗᑕ ᐱᓕᕆᐊᒃᓴᖏᓐᓂᒃ ᓯᕗᓪᓕᐅᑎᑕᐅᔪᒪᔪᑦ: ᓇᓗᓇᐃᖅᑕᐅᔪᑦ 2022−ᒥ ᐱᓕᕆᐊᖑᓯᒪᔪᑦ 2023−ᒧᓪᓗ ᐸᕐᓇᐅᑎᑦ.
ᑖᒃᑯᐊ ᐱᕙᓪᓕᐊᓂᖓᓂ ᐅᓂᒃᑳᑦ ᒪᓕᒃᐳᑦ ᐊᓂᒍᖅᑎᑕᐅᓂᖏᓐᓂᒃ ᑮᓇᐅᔭᖅᑐᕈᑎᒃᓴᐃᑦ ᐃᑲᔪᖅᑐᐃᔪᑦ ᒐᕙᒪᒃᑯᑦ ᐱᓕᕆᐊᕆᓯᒪᔭᖏᓐᓂᒃ, ᑐᕌᒐᖃᖅᑐᑦ ᐃᓐᓇᕈᖅᐸᓪᓕᐊᔪᑦ ᐃᓱᒪᒋᔭᐅᓪᓗᑎᒃ ᓄᓇᕗᒻᒥ, ᐃᒡᓗᓕᕆᓂᕐᒥᒃ ᐃᓚᒋᐊᖅᑎᑦᑎᓂ, ᖃᓄᐃᙱᑎᑦᑎᓂᖅ ᒪᒥᓴᖅᑎᑦᑎᓂᕐᓗ, ᐃᑲᔫᑎᑖᕋᓱᐊᒃᑲᓐᓂᕐᓗᑎᒃ ᐃᓕᓐᓂᐊᕐᓂᕐᒥᒃ, ᐊᔾᔨᒌᙱᑦᑐᓂᒡᓗ ᓄᓇᓕᖕᓂ ᑮᓇᐅᔭᓕᐅᕈᑎᖃᕋᓱᐊᕐᓂᖅ.
"ᑖᓐᓇ ᐅᓂᒃᑳᖅ ᓴᖅᑭᔮᖅᑎᑦᑎᔪᖅ ᐊᑐᕐᓂᐊᕐᓂᕋᖅᓯᒪᔭᑦᑎᓐᓂᒃ ᑐᓴᐅᒪᑎᑦᑎᕙᓪᓕᐊᔪᒪᓪᓗᑕ ᐊᑐᓕᖅᑎᑕᐅᓂᖓᓂ ᑲᑐᔾᔨᓗᑕ ᐊᑐᐃᓐᓇᐅᓗᓂ. ᐊᓕᐊᓇᐃᒍᓱᑦᑎᐊᖅᐳᖓ ᑐᓴᖅᑎᑦᑐᓐᓇᕋᒃᑭᑦ ᑖᒃᑯᓂᖓ ᐱᓕᕆᐊᕆᓯᒪᔭᑦᑎᓐᓂᒃ ᐊᕐᕌᒍᒥ ᓇᑉᐸᖓᓂᓪᓗ ᓯᕗᓕᖅᑎᓂᒃ," ᓯᕗᓕᖅᑎ ᐊᕿᐊᕈᖅ ᐅᖃᖅᐳᖅ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᕕᐅᓪᓗᐊᓕ 27, 2023) – ᓄᓇᕗᑦ ᒐᕙᒪᖓ ᐱᓕᕆᐊᖃᓪᓚᕆᒍᒪᕗᖅ ᓇᓗᓇᐃᖅᓯᓂᕐᒧᑦ ᐃᓄᐃᑦ ᐃᓱᒪᓕᐅᖅᑎᓗᐊᑕᐅᖁᓪᓗᒋᑦ ᓯᕗᓂᑦᓴᖓᓄᑦ ᓄᓇᕗᑦ.
ᐅᓄᖅᓯᒋᐊᖁᓪᓗᒋᑦ ᑭᒡᒐᖅᑐᐃᓂᐅᔪᑦ ᖁᑦᓯᑦᑐᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᒥᓂᔅᑕᐃᑦ ᑲᑎᒪᔨᖏᑦ ᐊᖏᖅᓯᓚᐅᖅᑐᑦ ᐊᑐᐊᒐᕐᒥᒃ ᐱᔪᓐᓇᖅᑎᑦᓯᔪᒥᒃ ᐱᓕᕆᕝᕕᓕᒫᓂᒃ ᑐᑦᑕᕐᕕᐅᔪᓂᓪᓗ ᑎᓕᓯᓗᑎᒃ ᒥᓂᔅᑕᐅᑉ ᑐᓪᓕᐊᑕ ᐃᑲᔪᖅᑎᖓᓂᒃ ᐊᕐᕌᒍᓄᑦ ᐱᖓᓱᓄᑦ ᑎᑭᓪᓗᒍ.
"ᓴᖅᑭᑎᑕᐅᓂᖓ ᐃᓄᐃᑦ ᑲᑐᔾᔨᖃᑎᒌᑦ ᐱᓕᕆᐊᒃᓴᖏᑦ ᐃᖅᑲᓇᐃᔭᕐᕕᓕᒫᓂᒃ ᐊᕐᕌᒍᓄᑦ ᐱᖓᓱᓄᑦ ᑎᑭᓪᓗᒍ ᐊᒃᑐᐊᓂᖃᖅᑐᖅ ᑐᓂᓯᒪᑦᑎᐊᕐᓂᕐᒥᒃ ᑲᑐᔾᔨᖃᑎᒌᔾᔨᓗᑕ ᐱᓕᕆᐊᒃᓴᖓᓂ ᐱᓇᓱᒃᓗᑎᒃ ᑭᒡᒐᖅᑐᐃᓂᕐᒥᒃ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᕐᓂᕐᒥᒃ ᐱᔭᕆᐊᖃᖅᑎᑕᖅ ᑎᑎᕋᖅᓯᒪᔪᖅ 23 ᓄᓇᕗᒻᒥ ᐊᖏᕈᑎᒥᒃ,” ᐅᖃᖅᑐᖅ ᓯᕗᓕᖅᑎ ᐸᐅᓗᓯ. ᐊᕿᐊᕈᖅ. “ᓂᕆᐅᑉᐳᖓ ᑕᑯᒃᑲᓐᓂᕆᐊᑦᓴᖅ ᐱᓕᕆᕝᕕᓐᓂᒃ ᓴᖅᑭᑎᓪᓗᒋᑦ ᒥᓂᔅᑕᐅᑉ ᑐᓪᓕᒃᑲᓐᓂᖏᓐᓂᑦ ᓯᕗᓂᑦᓴᑦᑎᓐᓂᑦ ᓯᕗᓕᖅᑎᐅᓛᖅᑐᓂᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑎᓐᓄᑦ.”
ᐊᑐᓂ ᐱᓕᕆᖃᑕᐅᔪᑦ… ᐅᖃᓕᒫᒃᑲᓐᓂᕆᑦ.
ᐊᐅᐸᔮᖅᑐᒥᒃ ᐅᕕᓂᕈᖅᓯᒪᓐᓇᖅ 2023-ᒥ
ᐱᖓᔪᐊᑦ, ᕕᕗᐊᕆ 22, 2023 ᐊᐅᐸᔮᖅᑐᒥᒃ ᐅᕕᓂᕈᖅᓯᒪᓐᓇᐅᓂᐊᕐᒪᑦ. ᐊᕐᕌᒍᑕᒫᑦ ᐃᓚᐅᖃᑦᑕᖅᑐᒍᑦ ᑎᓕᐅᖅᐸᒃᖢᑎᒍᓪᓗ ᐃᓕᓐᓂᐊᕐᕖᑦ ᓄᓇᖅᑲᑎᒌᓪᓗ ᓲᖑᓴᖃᑦᑕᖅᑐᓂᒃ ᐊᑭᕋᖅᑐᖁᓪᓗᑎᒍᑦ ᐊᐅᐸᔮᖅᑐᒥᒃ ᐅᕕᓂᕈᖅᓯᒪᖃᑕᐅᖁᓪᓗᑎᒍᑦ.
ᑕᒪᑐᒪᓂ ᐊᕐᕌᒍᒥ ᐆᒥᖓ ᐱᔾᔪᑎᖃᕐᓂᐊᖅᑐᑦ ᐊᔪᙱᑦᑐᒍᑦ: ᓂᓪᓕᐊᓗᑕ, ᓇᖏᖃᑎᒌᒡᓗᑕ, ᓲᖑᓴᖕᓂᖅ ᓄᖅᑲᖅᑎᓪᓗᒍ!
ᐃᓕᓐᓂᐊᕐᕖᑦ ᓄᓇᓖᓪᓗ ᑎᓕᐅᖅᑕᐅᕗᑦ ᐊᐅᐸᔮᖅᑐᒥᒃ ᐅᕕᓂᕈᖅᓯᒪᖁᓪᓗᑎᒍᑦ ᑕᑯᒃᓴᐅᑎᑦᑎᓗᑎᒃ ᐃᓅᖃᑎᒌᑦᑎᐊᕐᓂᕐᒥᒃ: ᐃᖕᒥᖕᓄᑦ ᐃᒃᐱᒍᓱᖃᑦᑕᐅᑎᓗᑎᒃ ᐃᒃᐱᒋᑦᑎᐊᕐᓗᒋᓪᓗ.
ᐊᐅᐸᔮᖅᑐᒥᒃ ᐅᕕᓂᕈᖅᓯᒪᓐᓇᒥ ᐱᓕᕆᐊᒃᓴᑦ, ᐅᖃᖃᑎᒌᒃᐸᓪᓕᐊᔪᓐᓇᖅᐳᒍᑦ ᓯᕗᒻᒧᐊᒃᐸᓪᓕᐊᓗᑕᓗ, ᐃᑲᔪᖅᑎᒌᒡᓗᑕ ᒪᒥᓴᕐᓗᑕᓗ.
ᐃᓚᐅᖃᑕᐅᒋᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᑲᔪᖅᑐᕐᓗᑎᓪᓗ ᐊᐅᐸᔮᖅᑐᒥᒃ ᐅᕕᓂᕈᖅᓯᒪᓐᓇᐅᑉ ᐅᓪᓗᖓᓂᒃ!
ᐃᖃᓗᐃᑦ, ᓄᓇᕗᑦ (ᕕᕗᐊᕆ 16, 2023) – ᓄᓇᕗᑦ ᒐᕙᒪᖓ ᓯᕗᒻᒧᐊᖅᐸᓪᓕᐊᕗᖅ ᐱᓇᔪᖕᓂᕆᔭᒥᓂᒃ ᑲᔪᓯᑎᑦᑎᔪᒪᓪᓗᑎᒃ ᐱᓪᓗᐊᑕᕐᒥᒃ ᑲᑐᔾᔨᓗᑕ ᐱᔭᒃᓴᕆᔭᖏᓐᓂᒃ ᓯᕗᓪᓕᖅᐸᐅᔾᔭᐅᓯᒪᔪᓂᒃ ᐋᖅᑭᒃᓱᐃᔪᒪᓪᓗᑎᒃ ᐅᐸᓗᖓᐃᔭᐅᑎᓄᑦ ᖃᓄᐃᓕᐅᕐᓂᕐᒧᑦ ᐸᖕᓇᐅᑎ ᐃᓐᓇᕐᓄᑦ ᓄᓇᕗᒻᒥ. ᑖᓐᓇ ᐸᖕᓇᐅᑎ ᐃᓱᒪᓕᐅᕈᑕᐅᓂᐊᕐᐳᖅ ᐱᔾᔪᑎᓕᖕᓂ ᐃᓐᓇᐃᑦ ᐱᓕᕆᐊᒃᓴᕆᕙᒃᑕᖏᓐᓄᑦ ᐱᔨᑦᑎᕋᕐᓂᖏᓐᓄᓪᓗ ᑕᒪᒃᑯᐊ ᐃᓐᓇᐃᑦ ᐃᓅᔪᓐᓇᕐᓂᐊᕐᒪᑕ ᐊᕐᕌᓂᐅᓵᖅᑐᓂᒃ ᐃᒃᐱᒋᔭᖃᑦᑎᐊᕐᓗᑎᒃ ᑲᒪᒋᔭᖃᑦᑎᐊᕐᓗᑎᒡᓗ, ᖃᓂᓐᓂᖅᓴᐅᓗᑎᒃ ᐃᓚᒌᓄᑦ ᓄᓇᕗᒻᒥ.
ᑕᒪᑐᒪᓂ ᐱᓇᓱᐊᕈᓯᕐᒥ, ᒐᕙᒪᒃᑯᑦ ᑲᑎᒪᑎᑦᑎᓛᖅᑐᑦ ᓯᕗᓪᓕᖅᐹᒥ ᑕᓪᓕᒪᓂᒃ ᐊᕕᒃᑐᖅᓯᒪᔪᓂᒃ ᑲᑎᒪᑎᑦᑎᓗᑎᒃ, ᐱᒋᐊᕈᑎᖃᕐᓗᑎᒃ ᑭᕙᓪᓕᕐᒥ ᐃᓐᓇᐃᑦ ᑲᑐᔾᔨᖃᑎᒌᓂᒃ ᑲᖏᖅᖠᓂᕐᒥ. ᒪᕐᕉᖕᓂᒃ ᐃᓐᓇᑐᑦ ᑕᒪᐃᓐᓂᒃ ᓄᓇᓕᖕᓂ ᓂᕈᐊᖅᑕᐅᔪᖃᕐᓂᐊᖅᐳᖅ ᐃᓚᐅᖁᔭᐅᓗᑎᒃ ᐊᕕᒃᑐᖅᓯᒪᔪᓂ ᑲᑎᙵᑎᑕᐅᔪᓂᒃ.
“ᓄᓇᕗᒻᒥᐅᑦ ᐃᓐᓇᕈᖅᐸᓪᓕᐊᔪᑦ ᑕᑯᔭᕆᐊᖃᖅᐳᑦ ᐱᐅᓯᕙᓪᓕᐊᔪᓂᒃ ᖃᐅᑕᒫᑦ ᐊᑐᖃᑦᑕᖅᓯᒪᔭᖏᓐᓂᒃ,” ᐅᖃᓚᐅᕐᑐᖅ ᓯᕗᓕᖅᑎ… ᐅᖃᓕᒫᒃᑲᓐᓂᕆᑦ.
ᐋᑐᕚ, ᐋᓐᑎᐅᕆᐅ (ᕕᕗᐊᕆ 8, 2023) – ᐅᓪᓗᒥ, ᓂᐅᕙᐅᓐᓛᓐ ᐊᒻᒪ ᓛᐸᑐᐊᑉ ᒐᕙᒪᒃᑯᖏᑦ ᐊᑎᓕᐅᖅᑲᐅᕗᑦ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒧᑦ (MOU) ᓴᙱᒃᑎᒋᐊᖁᓪᓗᒍ ᐱᓕᕆᖃᑎᒌᒍᑕᐅᔪᑦ, ᐱᓕᕆᖃᑎᒌᑦ, ᐊᒻᒪ ᓯᕗᓂᒃᓴᒥ ᐱᕙᓪᓕᐊᑎᑦᑎᓂᖅ.
ᐊᖏᖃᑎᒌᒍᑦ ᐊᑎᓕᐅᖅᑕᐅᓚᐅᖅᑐᖅ ᒪᓕᒐᓕᐅᖅᑎᒧᑦ ᐋᓐᓄᓘ ᕘᕆᒧᑦ, ᓯᕗᓕᖅᑎ ᓂᐅᕙᐅᓐᓛᓐᒧᑦ ᐊᒻᒪ ᓛᐸᑐᐊᒧᑦ, ᒪᓕᒐᓕᐅᖅᑎ ᐲᔾᔭᐃ ᐊᕿᐊᕈᖅ, ᓯᕗᓕᖅᑎ ᓄᓇᕗᒻᒧᑦ, ᒪᓕᒐᓕᐅᖅᑎ ᓖᓴ ᑎᒻᔅᑐ, ᒥᓂᔅᑕ ᑲᒪᒋᔭᓕᒃ ᓛᐸᑐᐊᒥᑦ ᒥᓂᔅᑕᓗ ᑲᒪᒋᔭᓕᒃ ᓄᓇᖃᖅᑳᖅᑐᓕᕆᔨᒃᑯᑦ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ, ᒪᓕᒐᓕᐅᖅᑎᓗ ᐹᒥᓚ ᕼᐊᑯᖓᒃ ᒍᕈᔅ, ᓯᕗᓕᖅᑎᐅᑉ ᑐᒡᓕᐊ, ᓄᓇᕗᑦ ᒐᕙᒪᖓ. ᑐᑭᓯᐅᒪᖃᑎᒌᖕᓂᕐᒧᑦ ᐊᖏᕈᑎ ᐊᑎᓕᐅᔪᖅ ᖁᕕᐊᓲᑎᖃᖅᑎᓪᓗᒋᑦ ᐊᖅᓴᕐᓃᑦ 2023 ᑲᑎᒪᕕᒃᔪᐊᕐᓂᕐᒥ ᐋᑐᕚᒥ.
ᐅᑭᐅᖅᑕᖅᑐᒥ ᓴᓂᓪᓕᕆᔭᐅᓪᓗᑎᒃ, ᓂᐅᕙᐅᓐᓛᓐ ᐊᒻᒪ ᓛᐸᑐᐊᒥᐅᑦ ᐊᒻᒪ ᓄᓇᕗᒻᒥᐅᑦ ᓇᖕᒥᓂᖅ, ᐃᓕᖅᑯᓯᕐᒥᓂᒃ ᐊᒻᒪ ᐃᓅᖃᑎᒌᓂᒃ ᐱᓕᕆᖃᑎᒌᒍᓯᖃᖅᐳᑦ ᑲᑐᔾᔨᖃᑎᒌᒍᑕᐅᓯᒪᔪᓂᒃ ᐊᒻᒪ ᐱᓕᕆᖃᑎᒌᒍᑕᐅᔪᓂᒃ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᓅᕙᐃᒻᕙ 8, 2022) − ᐅᓪᓗᒥ ᒪᓕᒐᓕᐅᕐᕕᒻᒥ, ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᓴᖅᑭᑎᑦᓯᔪᖅ ᐃᒻᒥᑰᖅᑐᓂᒃ ᐱᓕᕆᐊᑦᓴᓂᒃ ᑎᑎᖅᑲᕐᓂᑦ ᐊᑐᓂᑦ ᒥᓂᔅᑕᓄᑦ.
“ᑖᓐᓇ ᓯᕗᓪᓕᖅᐹᖅ ᓄᓇᕗᒻᒥ ᓯᕗᓕᖅᑎ ᓴᖅᑭᑎᑦᓯᑎᓪᓗᒍ ᒥᓂᔅᑕᐃᑦ ᐱᓕᕆᐊᑦᓴᖏᓐᓂᒃ ᑎᑎᖅᑲᕐᓂᑦ ᒥᓂᔅᑕᐃᑦ ᑲᑎᒪᔨᖏᓐᓄᑦ,” ᓯᕗᓕᖅᑎ ᐊᕿᐊᕈᖅ ᐅᖃᖅᑐᖅ. “ᑖᓐᓇ ᐆᑦᑐᕋᕐᓂᖅ ᑕᑯᑦᓴᐅᑎᑦᓯᔪᖅ ᑖᑦᓱᒪᖓᑦ ᒐᕙᒪᒥᒃ ᑲᔪᓯᑎᑦᓯᓂᕐᒧᑦ ᑕᑯᑦᓴᐅᑦᓯᐊᕐᓂᕐᒧᑦ ᐱᓕᕆᐊᑦᓴᑎᓐᓂᒃ. ᑐᓴᖅᑎᑦᓯᔪᒪᒐᑦᑕ ᐱᕙᓪᓕᐊᓂᕆᔭᑦᑕ ᒥᑦᓵᓄᑦ. ᐱᓕᕆᐊᖑᓂᐊᖅᑐᐃᑦ ᓄᓇᕗᒻᒥᐅᓄᑦ ᒐᕙᒪᑦᑎᓐᓄᑦ ᐆᑦᑐᕋᑦᓴᐅᔪᓐᓇᖅᑐᑦ, ᐱᓪᓚᕆᓪᓗᓂ, ᑕᑯᑦᓴᐅᓗᓂᓗ.”
ᒥᓂᔅᑕᐃᑦ ᐱᓕᕆᐊᑦᓴᖏᓐᓂᒃ ᑎᑎᖅᑲᖅ ᑐᓴᖅᑎᑦᓯᓂᐅᕗᖅ ᑐᕌᒐᓪᓚᕆᓐᓂᒃ ᖃᓄᐃᓕᐅᕈᑕᐅᓂᐊᖅᑐᓂᑦ ᖃᓄᐃᓕᖓᓕᕐᓂᖏᓐᓂᓪᓗ ᓂᕆᐅᒋᔭᐅᔪᑦ ᒥᓂᔅᑕᐅᖃᑎᒌᓄᑦ ᐊᑐᓂ ᐱᓕᕆᐊᑦᓴᖏᓐᓂᒃ ᒪᓕᒐᓕᐅᖅᑎᐅᓂᖏᓐᓂᒃ. ᓇᓂᔭᐅᔪᓐᓇᖅᑐᑦ ᓯᕗᓕᖅᑎᐅᑉ ᐃᑭᐊᖅᑭᕕᖓᓂᑦ ᐅᕙᓂ https://www.premier.gov.nu.ca/iu/ministauvvingmi-… ᐅᖃᓕᒫᒃᑲᓐᓂᕆᑦ.